كتبت : ناهد النبراوي
كشف الدكتور “مجدي مهران” محامي الفنان “رشوان توفيق” آخر تطورات أزمة الفنان مع ابنته و حفيده ، بسبب أملاكه قائلا : ” القضاء لن يحسم أزمة الفنان لأن الخسارة كبيرة ، و لذلك يجب حل الأزمة فى المنزل”.
و قال : أنا أول من نادي بمبادرة الصلح ، و تلقيت اليوم اتصالا هاتفيا من محامي آية رشوان توفيق و استعدادها للصلح ، و لكن الوضع تغير من جديد فى نهاية اليوم .
و أكد : ” ان ابنته رفضت عرض الصلح مع والدها ، و هذا كان منذ قليل بعد ترحيب الفنان الكبير بمبادرة الصلح ، و انه مازال متمسكا بحبه لابنته أملا فى عودتها لحضنه مرة أخري” ، و موضحا : ” ان الفنان لم يكن له أي سابقة مشاحنة أو مشكلة مع أي شخص سواء مع زملائه فى الفن أو جيرانه أو أبنائه أو غيرهم.
و كان الفنان رشوان توفيق أكد “بنتي آية هي و جوزها و ابنها أقاموا عليا قضية حجر رغم إني اديتهم حياتي كلها ، و اللي بيحصل ده هسيبه للقانون يعني ، أنا أثق بعدالة القانون لأني أنا مقصرتش مع حد ، و بعد عمري ده كله لا أملك إلا تليفونًا محمولًا ، و فضل الله عليَّ سبحانه و تعالى هو أن يخرجني من الدنيا آمنًا”.
و أضاف قائلا : “وزعت تركتي كلها على زوجتي رحمها الله و أولادي ، و أتذكر أنني مريت بالكثير من الظروف الصعبة و كانت مراتي تبقى نايمة جانبي و أبصلها و أقولها أنتِ فولاذ و ما تقوليش و لا تشتكي من ظروفي الصعبة ، و أقسم بالله خلال 62 سنة لم تقل لي زوجتي و لو لمرة واحدة بكرة هنعمل إيه رغم الظروف الصعبة اللي مريت بها”.
و قال : “كنت بحب أفرَّح مراتي و أجيب العربية باسمها و كل شيء باسمها علشان أسعدها ، و هبة بنتي تقولي ماشفتش راجل حب مراته و هي عايشة و ميتة زي بابا”.
و أكدت هبة رشوان توفيق : “كان رشوان توفيق على يقين أنه هيتوفى قبل أمي ، علشان كده كل حاجة كتبها باسمها و باسمنا”.
و وجَّه الفنان رشوان توفيق رسالة مؤثرة لابنته آية التي أقامت دعوى قضائية بالحجر عليه قائلًا : “حياتي فيها تجارِب قاسية جدًّا و أقسى تجرِبة اللي عشتها دلوقتي ، و في البيت بقعد أكلم نفسي إزاي أعطيت بلا حساب و بعدين يحصل معاك كده ، أنا بقيت عامل زي المقتول الحي ، بس أنا سايبها لربنا و للقضاء و أثق بالقضاء العادل ، و بإذن الله كل مَن خطط ضدي سيرد كيده في نحره”.
