كتب / محمد رضا
🟠 هيثم يسري فؤاد عبد الحليم حسن، والده كان مقيم في فرنسا من سنة 1984، بعدما سافر هناك للعمل
🟠 وبعدها اتجوز سيدة تونسية، ورزق منها بهيثم وأخته، وهيثم كبر هناك، وخلص تعليمه في فرنسا
🟠هيثم نفسه بيقول: “أنا اتعلمت الكورة في الشارع كمان لعبت كاراتيه، وبعد المدرسة كنت بقضي كل وقتي في الملاعب مع صحابي، وده اللي علمني إزاي أراوغ وأجري في المساحات الضيقة”
🟠 بدأ في نادي باريس لغاية ما وصل لسن 15 سنة، وبعدها اتنقل لنادي شاتورو، الولد لفت الأنظار لدرجة إنه وقع أول عقد احترافي وهو ثاني أصغر لاعب في تاريخ النادي
🟠 في 2020، نادي فياريال الإسباني ضمه مقابل 2 مليون يورو، لعب ماتشين بس وبعدها أعير لنادي ميراندس وسبورتنج خيخون
🟠 ظهر بشكل أكبر بعد رحيله بشكل نهائي إلى ريال أوفييدو في الدرجة التانية، قاد الفريق إنه يصعد لليجا (الدوري الممتاز) وأخد جائزة أفضل لاعب في النادي، في الموسم اللي فات لفت الأنظار جدا في مباراة برشلونة و
🟠مثله الأعلى في الكورة هو كيليان مبابي، وبيعشق يقلد ستايل فينيسيوس جونيور ونيمار في المراوغات
🟠 والدته طلبت منه تمثيل بلدها منتخب تونس لكنه اختار بلد والده النوبي “مصر”
🟠 وفي 4 مباريات ودية هيثم حسن بيقدم مستوى هايل قدام إسبانيا والسعودية والبرازيل، وفي المونديال غاب عن الدور الأول بسبب خطأ إداري
🟠 هيثم حسن أمام أستراليا عمل ماتش كويس جدااا، وقدام الأرجنتين عمل ماتش عمره وكان مصدر الإزعاج لدفاع التانجو بمراوغاته الجميلة والـpre assist في الهدف الثاني وكمان الهدف الأجمل اللي اتلغى بفضيحة تحكيمية
ابن النوبة الجميل بيكمل السلسلة المهارية من أول أحمد الكاس وبعده عبد الستار صبري والأباتشي شيكابالا وأخيرا الساحر هيثم حسن
