بقلم / اسماء كامل
إن كان حبيبك عسل .. غمّس وأكلني
بالحلو ليه تبخل .. أو منه تحرمني!
يا بخلان بالحنان عني
دا بخل هواك مجنني
ما تقسِّمني
بالعدل كدة 👌🏻 بين حُكّامك
جزء كبير نصيب قلبك 😂
وحتّة مَسح جوف عقلَك 🙈
منا هقولّك .. 🤌
إحسبني دايما بالزايد
واجمع كل شغف قايد…
وقدم لي.
من عشق غالي يداوي الشوق
بلاش معايا انا شغل السوق
دي بتبقى حسبته مغلوطة
وف.كفِّة الشوق محطوطة..
أحجار تزوِّد ف.الأوجاع
صدقني دانت اكبر بياع
وبتقدر تقلب الكفَّة
بس تملّي بكون حالفة..
ع.الصدق وبحسن النيّة
دي روحي بالشوق معميَّة
وبصدّق
وبشتري العشق بروحي
باخلص وأوفي منا بوحي…
عمره ما هيبقى لغيرك
وان حتى شروتي مغشوشة
شارياك وسايباك
