بقلم / حسن اللبان
برغم البُعد و المسافات
و رغم جنون ساكننا ساعات
برغم الخوف.. و رغم ظروف
و جرح حزين ف ماضي و فات
برغم التوهة و المشاوير
و ناس و وشوش، و زحمة كتير
بدون أسباب ولا تفسير
لقيتني باطير !!
لقيتني معاك كما العصفور
باشوف بعينيك و احب النور
و قلبي يدور
ف كون مسحور
أنا و انتي و قمر بَنُّور
لقيت روحك بتشبهلي
لقيت عيني بتندهلك
ف حضنك روحي رجعتلي
بأعلى صوتي غنيتلك
أنا جيتلك بحبك حبيبتي
