بقلم / حسن اللبان
سألت الورد عن اسمك
قالى فى القلوب متشال
وسألت الفل عن وصفك
قالى مفيش كلام يتقال
وسألت الياسمين عن صوتك
قالى ده سحر وطرب اعزب من الموال
وسألت النرجس عن لونك
قالى سما صافيا وقلب ابيض كما الاطفال
وسألت الريحان عن جمالك
قالى نجمه فى السما عاليه
وكلمه فى القلوب غاليه
يا نسمه فى الهوا تنسى كل الهموم
يا أشبه بالصفا فى دنيتى بعد الغيوم
يا حقيقه مش خيال
يا قصيده عن الجمال
يا اجابه من غير سؤال
يا قمر لحظة تمامه
يا يطير جميل لحظة كلامه
يا طفل مولود لحظة منامه
بعشق الكلام لما بيوصفك
وبعشق نبض قلبى لما بيعرفك
وبعشق همس صوتى لما بكلمك
