بقلم / حنين الساهر.
(همسات حنين الساهر)
,,,,,,,,,,,,,,,,,,,,,,,,,,,,
ااااه وااااه والف اااااه
من حلمك يا حنين
لما يبدأ ف الرحيل
يبدأ الليل الطويل
يحزن الفجر اللي طالع
ترفض الاغصان تميل
السما تفقد جمالها
و النفوس بيضيع امالها
و الهوا اللي كان خاطفني
بالنسيم اصبح بخيل
لما يبدأ قمري يرحل
نبض قلبي يبقى اتقل
كل قلب كان بيسهر
من الليله دي يبات عليل
و ان بدأ قمري يلاغيني
الامل يرجع يجيني
نبضي يرقص من حنيني
و السهر يصبح جميل..
