الرقابة ترفض أغنية لحورية حسن

كتب / حسن اللبان

رفضت الرقابة أغنية حورية حسن ” من حُبي فيك يا جاري ” حيث إعترضت الرقابة على الكوبليه التاني للأغنية اللي بتقول فيه ؛-
لما تصادف عالسلم تصَبَح و لا تسلم
قلبي بيرقص من الفرحة و الدنيا تدور حواليه
ما أعرف إن كنت أنا رايحة ما أعرف إن كنت أنا جاية
و السبب من وجهة نظر الرقابة إنه بيقابلها على السلم بيصبح و لا بيسلم فالمطربة بتوه من سلامه فما بتعرفش هيَّ رايحة و لا جاية وهنا ممكن يوقع المحظور بين المطربة و بين حبيبها
لكن الرقابة رجعت في قرارها بعد ما أكملت حورية بالكوبليه التالت لما قالت ؛-
يوم ما تخبط على بابنا و تجينا يا أعز أحبابنا
كدا المُطربة قصدها شريف بس لو نغير شوية في موضوع السلم الأغنية كدا تتفق مع القيَّم الأخلاقية .