فريد الأطرش وجبر الخواطر

كتب / حسن اللبان

بالنسبه لجبر الخواطر فى قصه قالتها الفنانه (مريم فخر الدين) الله يرحمها عن الفنان ( فريد الاطرش)
قالت انها كانت عازماه في البيت وبعدين شافته بيركن عربيته قصاد بيتها ودخلت عشان تستقبله.. المهم قالتلك فضلت مستياه بتاع نص ساعه مطلعش!!! 🤔
فاستغربت وراحت تبص من البلكونه لقت العربيه واقفه.. المهم بتقولك بعد شويه لقته بيخبط.. فقلتله انتا كنت فين كل ده يا فريد..!؟
قالها اصل وانا طالع حارس العماره قالي يا استاذ فريد انا بحبك قوي ونفسي احضرلك حفله ومبقدرش عشان الفلوس.. فرد فريد قاله بتحب اغنيه ايه اكتر حاجه.. فالراجل قاله وقاله ممكن تسمعنا حته منها .
قام قاعد جنبه ومغنيله فالناس اتلمت عليه فضل يغنيلهم ساعه وقام طالعلها 😇
فمريم بتقوله يا راجل ده كلام تسيبني مستنيه ساعه عشان حارس العقار قالها الله مش من جمهوري مش الناس دي جمهوري زيه زي الوزير مهو برضه جمهوري وليه عليا حق…
ده كلام واخلاق ( فريد الاطرش) اللي كان ولازال من اهم الملحنين والمطربين في الوطن العربي وكان اصله امير ا
الله يرحمه برحمته الواسعه يارب العالمين