بقلم / هبه الألفي
#ايه اللى يمنع لما تحب شخص تقوله
#ايه اللى يمنع لما تحب شخص تتطمنه
#ايه اللى يمنع تتديله حب صادق
عشان تحسه و يفيض عليك بحنانه
#ايه اللى يمنع انك تخلص له زى مانت عايزه مخلص ليك
#ايه اللى يمنع تكتفى بيه زى ماهو مكتفى بيك
#ايه اللى يمنع تموت الانا اللى جواك و تحبه بجد من غير تفكير مين اللى زعل مين و مين اللى يبدا يصالح خلينا متفقين ان الراجل دايماً بيقدم الخطوة دى بس الاكيد بعدها هيلاقي اكتر
#ايه اللى يمنع انك تقدم له قلب صادق و تهتم بيه
عمر ماكان الحب انك تاخد فقط لازم تدى و اكتر
كمان
#ايه اللى يمنع انك تقرب من حبيبك تحسه وتفهمه وتقدر مشاعره
#ايه اللى يمنع انك تهتم بيه لو عايزه يهتم بيك فاقد الشيء لما بيحسه اوى بيدى اوى اوى
#ايه اللى يمنع تقرب من حضنه و تقوله بحبك و محتاجلك اوقات كتير الكلمه دى بتقرب المسافات و تنهى اى مضايقات
#ايه اللى يمنع تفتكر حبيبك بحاجه بسيطه تحسسه انك فاكره و دايماً على بالك وسط مشاغلك
#ايه اللى يمنع انك تتدى زى ما بتاخد منه الحب
و الاهتمام و الحنان
لو استكبرت فى مشاعرك و فضلت تاخد من غير ما تدى هتخسر كتير
هتندم على فقدان شخص كنت له كل حاجه
هتحاول تتدور ف كل اللى حواليك على شخص يحبك زى اللى كان بيحبك مش هتلاقى
إكتفى بشخص شافك دنيته و حياته
شخص لغى العالم و اصبحت انت العالم بتاعه
شخص حبك بعيوبك قبل مميزاتك
شخص بيتعب لتعبك و يفرح لفرحك
شخص لو حد جه عليك يثور و يدافع عنك
شخص بيعاملك بحب و أمانه و صدق
شخص يكمل معاك حياتك بحلوها و مرها
عمره ما يمل منك ولا يبعد عنك
اصعب شيء فى اى علاقه ان احد الاطراف يستغل المشاعر و ياخد فقط
اذا كان حب او صداقه او قرابه
مع تحياتى هبه الألفى ❤️❤️❤️
