كتبت / منال خطاب
كوميديا يسرا في 1000 حمد الله علي السلامة
وأضافت خلال مداخلة هاتفية ببرنامج “الحياة اليوم” الذي يقدمه الإعلامي محمد مصطفى شردي بقناة “الحياة”:”قلت لجمال العدل أنا عايزة اعمل حاجة كوميدي السنة دي علشان نعمل حالة حلوة للناس، لإن كلنا محتاجين للابتسامة والفرفشة وهدفنا نضحك الناس”.
رغبة يسرا بعد القالب الكوميدي
وتابعت:”كنت محتاجة أغير جلدي وعلشان كده شاركت في مسلسل 1000 حمد الله علي السلامة، وحقي كممثلة اني اغير من جلدي ومقعدش في قالب واحد “.
يسرا تعرب عن سعادتها بانتهاء تصوير مسلسلها 1000 حمدلله على السلامة
يسرا: أنا مطربة قبل ما أكون ممثلة وبحب الرقص ويا ريتني كملت فيه.
في تصريحات سابقة، قالت الفنانة يسرا: “أنا قبل ما أكون ممثلة كنت مطربة وأخذت من نقابة الموسيقيين تصريح الطرب، وبعدين بقيت ممثلة وجالي وقت كان لازم أحدد المسار الفني”.
موهبة يسرا في الغناء
وتابعت خلال لقائها ببرنامج “أنا والقناع” المذاع على قناة “سي بي سي”: “أنا مؤدية كويسة مش مطربة لكن بحب الغناء وبسمع كويس وعندي ودن موسيقية كويسة لإني كنت بلعب باليه وأنا صغيرة في المدرسة وبحب الرقص جدًّا لأنه بيطلع كل الطاقات السلبية اللي في الدنيا”.
حب يسرا للرقص
وأضافت: “لما بشوف الرقص العادي من اللي الجديد وفيه استعراضات اقول يارتني كملت في الرقص، ولكن التمثيل المهنة الأساسية ليَّ”.
نجاح أغنية 3 دقات
ولفتت: “أغنية 3 دقات عملت في سنة واحدة 800 مليون مشاهدة والسنة اللي بعدها وصلت إلى بليون مشاهدة على مستوى العالم على يوتيوب، ودي عمرها ما حصلت”.
اختلاف مقاييس الجمال والغناء
وأشارت: “مقاييس الجمال والذوق والغناء والشغل وأخلاق البشر اختلفت عن زمان، والألبوم الغنائي الأول اللي عملته نجح وقتها ولحد النهارده أنا عندي شباب بيسمع أغانيَّ وحافظها أكتر مني”.
