بقلم / سامية عبد الرحيم
أيام تعدي وسنين تفوت
والبعد بيسكر زي الموت
ساعات بنسى ساعات حلوة
وحروف ألمي بقالها صوت
دا بيصبح
دا بيمسي
كله بيعدي ونفسك مكبوت
لكنك شديد زي شدة النبوت
تقسى كتير
وتلين أكتر
محير ومتحير
شايفينك صغير
مع إن هيبتك
تخوف إنس وعفريت
علشان ضعفت
وللحب حنيت
وخلعت عبايتك بهدلك الشوق
وقفت على باب أحلامك ذليل
ماسك بإيدك ورد أمانيك
مستني يقابلوك سوبر إتيكيت
بيجي بكرة
مكتوب ف الذكرى
وكأنك لا روحت
ولا حتى جيت
أو داق قلبك طعم كريز الفرح
في يوم
في سنة
كان مرة هنا
عدى على رمشك وبيه اتحنيت
……..
سامية عبد الرحيم
