بقلم / نجاة قطب
وحشتنى يانور عينى
يازهرة تاج فوق جبينى
ياشمس بتنور
قناديلى
اسابق فى خطاوى
الليل
ونار الشوق
بتكوينى
أسهر أفكر فيك
روحى ترفرف
سعيده
واصحى افكارى
جديده
ولما اتلهف عليك
ياحياتى باكون
شريده
أتمنى قربك وانتظر
حلم الليالى
يكون بديل
والآه تشتكى
فراق طويل
والقلب من جرحه
عليل
يسرح خيالى وافتكر
ايام لقانا
فى الاصيل
بين المزارع والنخيل
مابين آهه وحلم جميل
ونسمة ليل عليل
ايوه عارفه انى بحلم
امسك النجمة بأيديا
وان قربك شئ خيالى
رغم انك عايش فيا
بس كان لازم أقولك
انك النور فى عنيا
عدد الدقايق عدد الساعات
عدد النجوم
والزرع واوراق النبات
هافضل احبك للممات
مانت الامل زرعه
فى قلبى ودنيتى
وانت الذكرى الحلوى
جوه مهجتى
وانت السكّات
والحب قبلك
كان حكايات
كان حكاوى فى الهوى
وانت يادنياى الدوا
nagat.
