كلمة ” بحبك ” عهد بين الناس ..

بقلم / منال عاشور

كلمة ” بحبك ” عهد بين الناس ..

لو قولتها لحبيب تبقى ميثاق محبة بينكم ،، ماينفعش تخونه..

لو قولتها لصاحب تبقى إحساس بالصدق في النوايا الطيبة اللي بينكم ووقتها بيعتبرك سند حقيقي ،، ما ينفعش تخذله..

لو قولتها لإبنك بتحسسه وقتها انه ملك الدنيا كلها وبيكون قلبه فرحان لانه متطمن بوجودك وعارف انك هاتقدر تحميه ،، ما ينفعش تقسى عليه ..

الكلمة عهد وعقد بين الناس وبنتحاسب عليها،، لو مش فاهم معناها اوعى تقولها ولو مش حاسس بيها اوعى تقولها ولو مش عارف مسؤولياتك تجاه الشخص اللي قدامك يبقى اوعى تقولها..

الحب حياة هادية وكلها سعادة وأمان .. بنحس بالراحة لما بنحس بالحب..

الحب رزق من الله.. قدر مالناش سلطان عليه..
ربنا يحبب فيكم خلقه الطيبين