بقلم الشاعرة / حنين الساهر
تاج راسي
لا باعك قلبي ولا خانك
موصول القلب بشريانك
وانا قلبي موصول بوتينك
ف ازاى راح نفصل قلب ف قلب
وازاى راح اكمل من غيرك
انا كلى غرام وهواك انغام
ولقتني بروحي انا بجرى لك
ازاى النبض صبح مسجون
وسجنته ب حنيه ايدك
كان بنا وعود وده المفروض
اعيش على صوت تنهيدك
غيرت الدنيا ب احولها
وفردت جناحها بألوانها
وكأنك فنان تجريدي
وبدأت تلون فى حياتي
وسكنت القصر اللى بنيته
فى القلب عشانك يا حبيبي
صدقني لدقاتك سامعه
فى قانون الحب اللى مابنا
مش عاوزه اشوف منك دمعة
معقول اعيش انا من غيرك
والدنيا اهي كلها سامعه
فصلت القلب على مقاسك
غيرت احساسى بأحساسك
كأنك فعلا على ما اظن
بلاقي دوايا فى أنفاسك
كسرت جدار كان جوايا
دمرته بجمال أفعالك
وكأنى أميرة ف مملكتك
بتحرك على كل حواسك
انا شايفه ف عنيك حراسى
شيفاك التاج اللي مطرز
الماظه منور على راسي
