الفنانة تحية كاريوكا والدكتور فياض باشا

كتب / حسن اللبان

القاهره ١٩٥٩..
منتصف الليل يدق التليفون في منزل الدكتور الشهير محمد فياض..
دكتور فياض اشهر اطباء النساء و التوليد
و هو طبيب معظم سيدات المجتمع الراقي و الوسط الفني..
يرفع د فياض السماعه بينما يغالب اثار النوم.،
– الو مين معايا
يرد صوت سيده بانزعاج و لهفه؛
– ايوه يا دكتور ، انا هدي اللي باشتغل عند الست تحيه كاريوكا،،إلحقنا والنبي يا دكتور الست تحيه مغمي عليها و حالتها صعب خالص..
ينهض الدكتور فياض من سريره منزعجا؛
– طيب خليكي جنبها و انا جاي حالا
دكتور فياض متعود علي مكالمات نص الليل بحكم تخصصه في الولاده و حالات الولاده لا يحلو لها الطلق الا في منتصف الليالي:(
و لكن هذه المره الامر مختلف..
تحيه ليست حامل و لل يحزنون:o
ياتري ما الذي اصاب تحيه كاريوكا؟
يرتدي د فياض ملابسه علي عجل و يسارع الي بيت تحيه كاريوكا..
يدق جرس الباب لتفتح الشغاله بلهفه و تقوده بسرعه الي حجره النوم..
يجد تحيه كاريوكا مستلقاه علي سريرها في رداء نوم ابيض و في حاله اغماء..
يسارع بالاسعافات الاوليه بينما يسأل الشغاله.،،
– هو ايه اللي حصل؟
ترد الشغاله؛
– ابدا يا سيدي البيه ،، الدكتور حسن جوز الست تحيه رجع متأخر و الهانم اتخانقت وياه
و صوتهم علي علي بعض ..
و سمعتها بتقول له ؛
مش تحيه كاريوكا اللي جوزها يخونها مع واحده تانيه ..
و سمعتهم بيتخانقوا بصوت عالي و حدفته بالاباجوره ..
و بعدين البيه خرج و رزع الباب وراه ،،
و هي يا حبه عيني طبت وقعت ساكته..
زوج تحيه كاريوكا كان الدكتور حسن حسني و كان عينه زايغه و يقال انه تحيه ظبطته مع صباح😱
بسرعه يحمل دكتور فياض تحيه كاريوكا علي ذراعه و يسرع به الي المستشفي..
دكتور فياض تخصص امراض نساء و لكن تحيه اتحجزت في المستشفي تحت اشرافه بتشخيص انهيار عصبي..

تاني يوم حاول زوجها دكتور حسن حسني ان يزورها في المستشفي و لكن د فياض منعه و قال له مفيش داعي لانك انت سبب انهيارها و يستحسن تبعد شويه لمده يومين لغايه ما تحيه هانم تهدي
ظلت تحيه في المستشفي لمده اسبوع يزورها يوميا دفياض للاطمئنان و رفع روحها المعنويه و التسريه عليها..
تحسنت حاله تحيه و ردت اليها صحتها و معنوياتها..
بعد ان اتخذت قرار الطلاق من د حسن حسني..
مرت النقاهه بسلام و خرجت تحيه من المستشفي لتزاول حياتها الطبيعيه و استكملت زيجاتها و التي بلغت ١٧ زيجه ..