الإهمال والقسوة ينهى الحب

بقلم / سهام فؤاد

الاهمال و القسوة في
المشاعر و كسرة الخاطر بيهدم
الحب حتي لو كان حجم الجبل ..

اياكو تتعاملو بمبدأ الضمان .. بمعني انك تبقي ضامن ان اللي قدامك بيحبك ف خلاص بقا ..
تبطل تهتم .. تبطل تحن عليه .. تبطل تعمل الحجات
اللي زمان خليته يحبك .. اياك تتطمن لرصيد الحب اللي ليك في قلبه .. و تفضل تسحب من الرصيد دة
من غير متحس ….

لانك فجأة هتلاقي اللي قصادك بقي شخص مختلف تماما .. متتصدمش انه اتغير .. متتصدمش انه بطل يحبك .. لان رصيدك عنده خلص . اللي انت عملته زمان
و حببه فيك خلص و انت مش واخد بالك ..
عمال تضغط عليه و تهمل فيه و تقسي عليه و
تبعد عنه في عز ما هو محتاجلك .. و مش ملاحظ ان كل دة بيسحب من رصيد حبك .. انت سحبت ومهتمتش انك تزود الرصيد دة من وقت للتاني عشان يفضل مكمل معاك ..

الحنية و الاهتمام و التقدير بالكلام و الفعل
هما وقود الحب .. هما الرصيد اللي انت بتعمله ايداع
في قلب حبيبك .. لان مفيش حب بيدوم غير لما تهتم بيه

لو عايز حبك يعيش العمر كله خد بالك منه و اهتم بيه و حاجي عليه …. قبل مايموت و ساعتها هتندم و مش
هتعرف ترجعه تاني …..
لان اللي بيموت مبيرجعش للحياة تاني للاسف … 🖤