وحشني

بقلم / حنين الساهر

ايوه بحِس ان انت واحشني
واحش روحي
واحش عيني
واحش قلبي
كل ما بسمع صوتك ببكي
بعرف بس ساعتها الفرق
ما بين العالم كله وبينك
وبــ توحشني اللحظه الحلوه
لما تاخدني ما بين دراعينك
وبـ توحشني النظره الحلوه
اللي بشوفها بــ تسكن عينك
يصرخ قلبي ويحزن جدا
ينده صوتي ويهمس فينك
حنين مشتاقه لحنينك
بعرف بس ساعتها الفرق
ما بين العالم كله وبينك
وافضل ساكته وساكته وصابره
نظرة عيني بتسرح فيك
لجل ما اشوفك بيهم بكرة
ياااااه على قلبي اللي بـ يتوجع
لما بحس ان اللي ما بينا يادوب مسافات
نفسي اخطي الدنيا واجيلك
نفسي اشكيلك نفسي احكيلك
نفسي فى حضنك اترمى و ابكيلك
نفسي اغمض عيني وافتح
والقىَ دا كله يادوب خيالات
صعبه حياتي كتير فــ بعادنا
صعبه حياتي كتير من غيرك
واتأكدت وبس الليله
اني ماليش فـ العالم غيرك
فــ اللحظادي بجد انا تايهه
اه بكتبلك وانا مش عارفه
افرق بين الدمعه وحــِبري
فااااااايض صبري
فاض الصبر ونفسي اشوفك
تمسح دمعي بـ حضن كفوفك
دانا من يوم ماقابلتك حسه
اني البنت النونو الطفله
اللي فــ حضنك بس بــ تقدر
تجري و تهرب من احزانها
واللى عشانها بــ توهب روحك
وبــ تِرميها ما بين احضانها
وازاي اقدر ابعد عنك
دانت حبيبي وصحبي وابويا
ونفسي وروحي وكل الناس
انا فــ بعادك حسه العالم صخره بــ توجع
شئ مافيهوش ذرة احساس
اه فــ غيابك حسه شعوري بجد واجعني
ايوه بــ تصعب نفسي عليا
حسه بــ إني ضعيفه وخايفه
حسه حياتي دي صحرا وجافه
وانا برويها بــ دمعة عيني
انت النهر الحلو وبس اللي بــ يسقيني
وانت الحضن اللي بــ يحميني
وانت الصوت اللي اما سمعته
دوِب دمعي فــ نهر حنيني
واما لقيتك مش قدامي ونفسي ابوح لك
داب احساسي فـ حضن الورقه ورحت اكتبلك
رحت اقولك عن احساسي اللي بــ يتعذب لما وحشته
ايوه صحيح احساسي يادوبك بس كتبته وماتكلِمتش
بس ارتحت عشان كلِمتك لو عــ السطر
ايوه ارتحت عشان فضفضت.