كتبت : أية دياب
كشف المخرج الشاب ماندو العدل إنقاذه من الغرق خلال قضائه إجازة الصيف على شواطئ البحر ، بعد أن اختل توازنه داخل المياه و شاور على شخص خلال سباحته فى المياه و أنقذه الأخير حتي خرج من البحر سالما.
و كتب العدل على صفحته على موقع التواصل الاجتماعى”فيس بوك” : “النهاردة نزلت البحر و أنا بعرف أعوم كويس ، دخلت جوة شوية و بعدين حسيت إنى تعبان و مش قادر أقف حتي فى المياه و ماليش طول ، عومت عشان أرجع و المسافة كانت بعيدة ، ابتدى نفسى يروح و بقيت حتى مش قادر أرجع على الشط ، لولا ستر ربنا و واحد كان بعيد عني شوية ، قعدت أنادى و أشاورله فجالي و سحبنى لغاية ما بقى ليا طول ، كنت روحت فيها ، الحمد لله على كل حال و شكرا جدا للشخص الي أنقذني و يارب ارزقني حسن الخاتمة”.
و كانت آخر أعمال المخرج ماندو العدل مسلسل “بين السما و الأرض” الذى عرض شهر رمضان الماضى من 15 حلقة ، بطولة كل من : هانى سلامة ، درة ، يسرا اللوزى ، سوسن بدر ، نجلاء بدر ، نورهان ، ندى موسى ، أحمد بدير ، منى عبد الغنى ، محمود الليثى ، أحمد السلكاوى ، مصطفى درويش ، و العمل سيناريو و حوار إسلام حافظ ، و القصة مأخوذة عن قصة الأديب الكبير نجيب محفوظ ، إخراج ماندو العدل ، إنتاج شركة سينرجى.
