بقلم / حنين الساهر
قلبي ف غيابك عليل
خد طيور روحي الدليل
إنت عارف
همشي لك لو الف ميل
مهما كان الطريق طويل
عيني شايفاك فى الوشوش
ليك أنا
مش لغيرك
قلبي رافض حب غيرك
أو يكون غيرك بديل
قلبي عايش همّ قسوة
وحدة عتمة ويَّا ويل
النهار بيغيب في بعدك
كل لحظة بتبقى ليل
لما اقول لك إنت دنيا
إتهمني اني بخيل
أنت إدمان جوه روحي
بيجري فيا زي دمي
زي نيل
مستحيل اقدر أخونك
مستحيل اخدع عيونك
قلبي مش ممكن يميل
إعتبرني بعترف لك
اه بحبك
انت عندى شي جميل
اتحدى بيك المستحيل.
