بقلم / سارة عصام
الحب بيتولد بكل طاقته من البدايه مش محتاج عناية مركزة و اوكسجين وتنفس صناعي
الحب بتتنفسه طبيعي في كل مسامك
ماتحاولش في حب محتاج إنعاش من قبل ما يبدأ
وماتفكرش ان الوقت هيحييه لان العلاقه طرفين مكملين لبعض لاستمرار الحب
بيحتاج قلبين يحبوا بصدق ومجهود لراحه وسعاده اللي بتحبه
يا تعيش يا تموت
تموت وانت عايش من الوحدة لان اللي جنبك محسسك انك لوحدك
النصف حب بيموت بالوقت
ونصف حبيب مابيكملش وانصاف تضحية مابيضحوش تاني والنصف قلب مابيبنيش حب وحياة
والإنسان الأناني مابيعرفش يحب غير نفسه الإ لو حب بجد واتغير وده محتاج معجزة ربانيه
اي حب
بلاش نستسهل في الحب وندور ونعيش اي حب
الحب مجهود وطاقه نور بتديها للي ادامك
الحب شقي وتعب زي اي شغل تتعب تنجح زي الدراسه ذاكر تتفوق
من الصعب إن اللي قلبه لم يعرف الحب من البدايه ممكن يتغير ويحب
الحب من البدايه يا حب يا لا حب يا خوف وحنيه ودعم وإستيعاب الآخر يا لا شيء
يااثنين مكملين الحياه وخلاص وكل واحد في سكه وكل واحد في دنيته زي عربات القطار متصلين لكن صعب يتقابلوا
مستحيل يتلاقوا
الحب حياه
ماتحاربش في علاقه شايف فشلها من البدايه
السند والقوه والدعم لو مش موجودين يبقي مش حب
اجمل شيء في الحياه وحق من حقوقنا الحب
الحب بيخليك حابب نفسك وحياتك مابتكرهش نفسك
حابب شغلك و منجز ودايما بتطور من نفسك
تتمني الة الزمن ماتمشيش وتفضل مع اللي بتحبه
تحس إن الحياه بتقف عنده وتنتهي عنده
الحنيه والفهم التلقائي واإنك ترمي حمول الدنيا عليه من اروع لمسات الحب
انك تلاقي قلب معاك في الحياه بيسعدك ويساعدك
انسان يكون قريب ليك يخفف عنك كل حاجه في الحياه ويراعي ربنا فيك
انك تكون اهم واحد في كون شريكك ده احساس بالدنيا
ياريت كلنا مانتنازلش عن الحق ده والحب بالطريقة دي والحبيب ده عشان بتفرق اوي في حياتنا بتفرق بجد في نفسيتنا وسعادتنا وفي إقبالنا علي الحياه
