بقلم / أسماء كامل
من بين مشاعره شُفت رمشي
بيلهمه حبر السطور
من غير غرور..
حن قلبي واهتدى
حتى الندى..
من شوقه حنّت قطرتُه
يا فرحته..
دا الورد زيِّن جلسته
حتى الطيور بدأت غُنا
قصدت تحلّي فصحبته
لقى سكّته
قصاده فاتحة للأمل دراعات
والحزن مات
واتولد جوّاه حنين
حتى السنين
رجعت وقالت نبتدي
ماهو اصله ونِّس وحدتي
مابقتش اقول ياغربتي
كانت حكايته مسلمة ومعلمة
على قلبه بخطوط الوجع
بس الجدع
قرب وقاصد يسعده
وبقربه منه يوعده
كل الطيور صحيت تسابق خطوته
وشايله م الاشواق هنا
حتى انا…
طايرة بالافراح معاه
عاشقة ف سماه
بعدين معاه!!
عمال يلاغي ف نظرتي
أمشي فترجع سكتي
يالهفتي..
لحضن دنيا تضمني
فيها الامان هايحسني ويصدني
عن أي احساس بالوجع
جالي الجدع..
نورلي عمري بالحنان
نسّى قلبي الخوف كمان
حتى الامان…
ندهلي فارد للجناح
صرّح وصاح..
وبحبي بـاح…
طلع الصبــــــاح.
#طلع_الصباح ❤
#اسماء_كامل
