بقلم / أسماء كامل
يا سيدي تماااام🤝
#أنا_السيء
أنا السيء في روايتنا
وروايتهم..
وفي رواية جميع من كان
أنا الحنية مش عارفة
ولا لاقية لطريقي مكان
واقولك برضه حاجة كمان
أنا الظالم وانا الجاني
أنا اللي تملّي من جبروته..
عشت العمر بتعاني
أنا اللي طمعت ف الافراح..
وعيِّشتك ف أحزاني
خلاص مرتاح!!
يلا اتهنى واتمنى
تلاقي قلب مش قاسي
تلاقي حضن بيواسي
تلاقي غير جحيم روحي
اللي من ناره..
دمك يابني عاش محروق.
وفَّر عمرك المسروق
لحد يكون بيستاهل
حد تعيش معاه أيام
لا يمكن تيجي بالساهل
ولا من تاني تتكرر
أنا صدقني لا هابرر
ولا اتكلم..
وراضي تجيب عليا اللوم
حتى ان كنت انا المظلوم.
خلاص خِلصِت روايتنا
وكان مشهد ختامها عظيم
ينفع يتحكي ف مقامات
كُنّا بنرمي ف اتهامات
وكل ما فينا يتبرأ من الأسباب
خلاص مش فارقة أي عتاب
ما ضاقت دايرة الأحباب
و وِقفت بس على كام فرد.
عشان ماتقولش انا استهترت
ولَّا عاندت واتكبَّرت
وهانت يعني عشرتنا
أديني قطعت علاقتنا.
وخارج منها انا المذنب
وانا السيء
وانا الجاني
وأكتر شخص آذاني
#أنا_السيء
#جديد
#أسماء_كامل
