# أغرب القضايا

كتبت / منال خطاب

حدث بالفعل الست اللي في الصورة دي شيطان علي هيئه انسان فهي الزوجه والأم القاااتله المتسلسله الأم النرجسية الساااامه ف الحكاية بتدور سنة ٢٠٠٥ تحديدًا في امريكا ، بيوصل اتصال لقسم الشرطة من واحدة ست بتستنجد بالضابط وبتقوله الحقني، جوزي بقاله يومين قافل على نفسه الباب ومش عاوز يرد علينا

الست ديه عرفت نفسها للضابط ب أن اسمها ستيسي ، خد منها العنوان بتاع البيت واتحركت قوة من الشرطة علشان تفهم ايه الي بيحصل

طبعًا الشرطة وصلت والست كانت مستنياهم وهي في حالة انهيار مش عارفة ايه الي ممكن يكون حصل لجوزها الي بقاله يومين قافل على نفسه

حاولت الشرطة تنادي وتخبط على جوزها والي اسمه ديفيد لكن ماكنش فيه منه اي استجابة علشان يضطروا أنهم يكسـروا الباب وهنا كانت الصدمة ، المشهد الي بيفتح قضية من اكبر القضايا في امريكا وقتها والي نهايتها فعلاً مش متوقعة

الشرطة لقت ديفيد نايم على السرير بدون اي ملابس وجنبه كوباية قزاز فيها سائل اخضر شكله غريب ، لما قربوا منه اكتشفوا انه ميـ.ت

بسرعة يستدعوا الطب الشرعي والمعمل الجنائي علشان يعرفوا ايه سبب الوفاه ، على الجانب الاخر ستيسي لما شافت المنظر انهارت وفضلت تصر..خ وبسرعة اتصلت بـ ولادها البنات بيري و أشلي

البنات الاتنين دول يبقوا ولاد ستيسي لكن مش ولاد ديفيد وده هنفهمه في الاحداث الجاية

البنات لما عرفت الخبر سابوا المدرسة وجريوا بسرعة على البيت وكمان وصل ابو ديفيد و أمه

بدأ الطب الشرعي يفحص كل شيئ علشان يكتشفوا ان السائل الأخضر الي كان جانبه هو عبارة عن مادة بتُستخدم في حاجات معينة لكنها سامة على البشر ، المادة ديه لمجرد شربها بتؤدي لسكته قلبية

طبعًا الموضوع كان باين انه حا_ثة انتـ..حار وبعتت الشرطة ديفيد للمشرحة علشان يعرفوا السب بدقة ، تقرير المشرحة اكد أن الوفاه نتيجة سكته قلبية بسبب مادة سامة والي هي نفس المادة الي كانت جنبه في الكوباية

الشرطة اعلنت في التحقيقات ان ديفيد قفل على نفسه الباب وشرب كمية كبيرة من المادة ديه وانهي حياته ، لكن على الجانب الآخر ابوه و أمه أكدوا أن مستحيل ابنهم يعمل حاجة زي ديه

وده لسبب منطقي جداً ، ديفيد رجل اعمال ناجح وعنده شركات وممتلكات وبيأمل دايما انه يكَبر مشاريعه وينجح اكتر ، يعني مفيش اي مبرر او سبب يخليه ينتـ..حر

فعلاً الشرطة اقتنعت بالكلام ولقت أن مفيش سبب ممكن ديفيد ينهي حياته علشانه وهنا اتوجهت الشكوك لـ مراته ستيسي ، بس كان فيه ملحوظة وهي ان اصلا ديفيد كان قافل على نفسه الباب من جوا ، فا ازاي هي الي ممكن تكون عملت كده

بعد كام يوم بيطلع نتايج تحليل البصمات وهنا تكون الصدمة ، البصمات الي على الكوباية الي كان فيها المادة السامة هي بصمات ستيسي، ديفيد مالمسش الكوباية من الاساس ، بس بردو لسه السؤال، ازاي ممكن تكون هي الي عملت كده والباب مقفول من جوا

بس هنا كان لازم الشرطة تعرف لو هي فعلاً الي عملت كده ايه السبب؟ فا بدأوا يدوروا وراها ويعرفوا سجلها وماضيها وده يرجعنا لسنة ١٩٨٥

وقتها ستيسي كان عندها ١٧ سنة في الفترة ديه وهي في عيد ميلاد واحدة صاحبتها اتعرفت على شاب اسمه مايكل عنده ١٩ سنة وهنا اتولد حب من اول نظرة وبعد ٣ سنين يتجوزوا

الحياة بينهم كانت طبيعية وخلفوا بنتين اشلي و بيري الي اتكلمنا عنهم في الأول وقولنا انهم مش اولاد ديفيد ، وبعد فترة تبدأ تحصل مشاكل بين الزوجين وخلافات كبيرة

لحد ما جينا سنة ١٩٩٩ وفي الفترة ديه بدأ مايكل يتعب ، كان بيجيله نوبات تعب وكان بياخد ادوية ورغم كده الحالة ماكانتش بتتحسن ، الغريب ان الدكاترة مكانوش لاقين تشخيص لحالته الي كانت بتسوء اكتر

لحد ما جيه فترة وجسمه كان ينتفخ بطريقة مش مفهومة ، ونيجي في يوم من الايام و أشلي بنت مايكل تدخل عليه الأوضة لقت ابوها لونه ازرق ومش بيتحرك

بسرعة اتصلت بـ امها ستيسي الي كانت في الوقت ده بره البيت علشان تيجي تشوف منظر جوزها وتترعب ، بسرعة بيبلغوا الشرطة الي وصلت ومعاها الطب الشرعي علشان يلاقوا ان مايكل ميـ..ت بسكته قلبية

وقتها الشرطة طلبت من ستيسي انها توافق على التشريح علشان يعرفوا سبب السكته القلبية لكنها رفضت ده ، وقالت انه كان تعبان ومفيش داعي للتشريح

بعد وفاة مايكل بـست شهور ستيسي اتعرفت على ديفيد الي بردو اعجبوا ببعض وبعد فترة صغيرة يتجوزوا وفضلت الحياة طبيعية بينهم لحد ما وصلنا سنة ٢٠٠٥ ويموت ديفيد في ظروف غامضة

طبعًا كل الي فات ده كانت تحريات عرفها المحققين عن حياة ستيسي وهنا قرروا انهم يخرجوا جثـ،ة جوزها الاولاني مايكل ويحللوها ويعرفوا سبب الوفاه

وبالفعل ده الي حصل طلعوا بقايا الجثة وبعتوها للمشرحة تتفحص ، لكن بعد الي حصل بيومين بس يوصل اتصال من ستيسي للشرطة وهي منهارة وعمالة تصرخ وبتقولهم الحقوني ، بنتي اشلي ما_تت

بتوصل بسرعة الشرطة لبيت ستيسي علشان تلاقي اشلي مرمية على السرير مش بتتحرك وجنبها علبتين برشام مهدئ فاضيين ، بسرعة بيتصلوا بالأسعاف وأثناء ما المسعفين شايلين اشلي وقبل ما يدخلوها العربية تقع من جيبها ورقة.. الورقة الي هتصدم الجميع

كان مكتوب في الورقة الآتي
انا اشلي ،انا اسفة لوالدتي و لـ اختي بيري ، وده لأني انا الي قتـ.لت والدي مايكل و قتـ.لت ديفيد وبدأت تشرح عملت ده ازاي

قالت انها كل فترة والتانية كانت بتحط لـ والدها مايكل المادة السامة في الاكل وده كان سبب تعبه لحد ما المادة ديه خلصت عليه بالباطئ

اما بالنسبة لـ ديفيد فا هي حطيتله كمية كبيرة في العصير وشربتهوله ، وطلبت منه بعد كده يقفل الباب على نفسهةقبل ماينام علشان يبان بعد كده ان هو الي انتـ.حر

كل الكلام ده كان مكتوب في الورقة الي وقعت من اشلي ، لكن يشاء ربك ان أشلي لما توصل المستشفي يتكتبلها عمر جديد وقدر الدكاتره ينقذوها

فاقت والكل حواليها من محققين ودكاتره وكمان اختها والكل بيبصلها بغضب، كانت مستغربة ايه الي جابها هنا وليه بيبصولها كده ، علشان بعد التحقيق معاها تقول ان اخر حاجة فكراها انها كانت قاعدة مع والدتها ستيسي بتشرب عصير ومن بعدها نامت ومش فاكرة اي حاجة تاني

علشان يكتشفوا ان ستيسي هي الي عملت كل ده، هي الي كتبت الرسالة وهي الي حطت جرعة زيادة لبنتها في العصير علشان تنهي حيا_تها وتلبسها هي الجر_يمة وتبعد عنها الشكوك

الشرطة قبضت على ستيسي واعترفت بكل حاجة بالتفصيل ، في نفس اللحظة بيظهر تقرير المشرحة بتاع مايكل جوزها الأول والي أثبت ان كان فيه جسمه نفس المادة الي كانت في جسم ديفيد

قالت ستيسي بكل برود ان هي عملت كده في ازواجها علشان تورثهم ، قالت انها ورثت من جوزها مايكل الأول ٥٥ الف دولار اما ديفيد فا خدت أملاكه كلها

سنة ٢٠٠٩ بيتحكم عليها بالسجن لمدة ٥١ سنة بدون افراج مشروط يعني هتفضل في السجن لحد ما تمو_ت.

طمـ..ع وجشع الإنسان بيعميه وبيجرده منه انسانيته ، لدرجة انه ممكن بكل سهولة يهون عليه اقرب الناس ليه ، الي تخلص من زوجها وكمان بنتها علشان الفلوس ديه لا تمت للإنسانية ولا الرحمة بـ صلة ، لكن لكل ظالم نهاية👌