كتبت / سلوى لطفي
الست ام كلثوم كانت خريطة وبوصلة للطرب
عاصرت العظماء وكل ليلة كانت منتدى ثقافى ببيتها
لما سمعت حب ايه من بليغ قالتله مين يبنى اللى كاتب الكلام ده
قالها ده واحد صاحبى ،،
تصرف الست مع شاب عنده 21 سنه سمعتلو تخونوه كان غريب
اسمه ايه صاحبك ؟ عبد الوهاب محمد يا ست
وشغال ايه ؟ شغال فى شركة ،،
اتصل بيه وقوله يجيلى بكرة وتعالى معاه
يا عبد الوهاب انا عند ام كلثوم وعوزاك بكرة ببيتها
عبد الوهاب محمد :: انت هتهرج عا الصبح ،،
المهم عشان مطولش تانى يوم الست قالتلهم بعد حب ايه عملتوا حاجه غيرها ؟؟
ايوة يا ست عاملين ظلمنا الحب ،،
الست سمعت مذهب من ظلمنا الحب وقامت شخطت فيهم
انتم متاكدين انكم فى العشرينات
ايوة يا ست ده شغلنا
ردت الست بنبرة حادة داخلها انبهار وقالت ::
انتم مرضى نفسيين والاغنية دى بتاعتى وهنقفل عليها وهغنيها بعد مخلص الكام حفلة
الكلام ده كان 1959 وغنت حب ايه 1960 وظلمنا الحب اتقفل عليها لحد 1962
انه بليغ حمدى موسيقار الأجيال الحقيقى الذى ولد عبقريا وكبيرا
