بقلم د / حسن اللبان
قال الطبيب نام…
لازم يبني ترتاح …
وتهدى أعصابك…
الضغط ف العالى…
قلبك كمان تعبان …
لا فيس ولا جرنان …
والراديو ع القرآن…
الأكل … من غير ملح…
وبلاها صوت وكلام …
أنا قلت له حاضر …
لكن تقوللى ازاى …
والدنيا ماشية العكس …
فيه ناس بتاكل لوز …
وناس ما طايلة العدس …
وناس بتقبض ألف…
وناس ما لاقية القرش…
آه يا دنيا مقلوبه …
المجد للأوباش …
واللى يخون ويغش …
يصبح وزير مسؤول…
له كلمه مسموعه…
صاحب معالى…
وعالى …
والرايه مرفوعه…
واللى يقول الحق …
مالوش مكان بينهم …
أصله ضعيف مهزوز …
ولا عمره كان منهم …
عينه على الغلبان …
والغلبانين ف القاع …
خليه كده بينهم …
دى حكاية معطوبه …
وحقوقنا مسلوبه …
يا عزبه منهوبه…
صوت الغضب…
يلهم كل مبدع وملهم
يقول الحق….
من كتابي الشقيانين
…. حسن اللبان
