#صباح_كداب…

بقلم / اسماء كامل

الصبح يخبط على بابي
يلقاه مقفول.
والشمس تنادي على فؤادي
بالشوق موصول..
ف.يرد القلب ماليش احباب.✋🏻
وان شُفت الكون راح يصفالي
راح اقول كداب.
بقى بينا حساب.
من أمتى الدنيا كانت صافية
أو عارفة تحب؟!
أو إمتى الشمس كانت دافية
وبتريح قلب؟!
ماهو حتى الصدق ف أيّامنا
معجون بالكدب.
راح يفضل واقف يتوسل برة الأعتاب
مستني أوارِب لحنينه لو طرف الباب
خليه في عذاب.
ماانا ياما الكون دا شربني
من مُرّه سنين
وياما النيّة كانت صافية
والناس ملاعين
أنا عشت كأني ما بين غابة
مش بني ادمين..

أنا عشت كأني ما بين غابة
مش بني ادمين.

#ديوان
#شُفتك_في_الحلم_حلم
#أسماء_كامل