بقلم / اسماء كامل
واهو كله بيؤمر ويقاضي
ويحاسب وكإنه القاضي
والعادل باشا بأمر اللّٰه
بيعيبَك. ويقول بيراضي
الكل منصب نفسه إله
تركع له وتطلب منه حماه
يتحكِّم فيك وف أحلامك
وبدون اسئلَة تمشي علىٰ خُطاه
وانا زي المربوط ف السّاقية
وبلِف ف دنيا ماهيش باقية
ولا فيها الرّوح تسـوى اللقمة
واكترها غلابة ومش لاقية
فكرت الدنيا هـ.تضحك لي
وخيوط م الفرح هـ.تنسج لي
دلوقتي انا تايه من نفسي
ولا عارف راسي من رجلي
متلخبط متداري ف.روحي
وبحايل وبدادي جروحي
لا بداوي الحَال المتشقلب
ولا بملى ف.طَبقي الأورديحي
#طبق_أورديحي
#أسماء_كامل
#ديوان
#شُفتك_في_الحلم_حلم
