بقلم / إيناس السيد
#بالإنسانية
طبطب على كتفك
———————
اوعى تستنى حد يطيبلك جراحك
إنشراحك
دى مسألة حلولها بين إيديك
طبطب على كتفك وحضنك أوى
وافتكر
نِعم كتيرة أنعم بها ربك عليك
إن حد ظلمك
متسيبش حقك
بس إياك تفكر تنتقم
عُدْ , واستقم
اتوضا واجرى وارفع له إيديك
فى ناس وشوشها ألف لون
خليك بقلبك ده
أحلى لون
لايق عليك
إن يوم تحس بالوجع أو بالألم
وعذاب فراق
بلاش تتعب عيونك بدموع ندم
كل اللى راح
راح يتنسىَ
وحيفوت عليك
مسا ورا مسا
تقعد لوحدك تفتكر
لغاية ماتيجى تفتكر
تنسى إنت كنت بتفكر فى إيه
وتقول يا ريت
ما عشت ثانية فى الأسى.
