القلوب بتحب بعضها

بقلم د / حسن اللبان

لو حسيت إنك بتحب حد..

إعرف إنه غالبًا بيحبك
القلوب بتحب بعضها

والأرواح بتتلاقي في ملكوت الله لو فيهم شبه من بعض

واللي تحس إنك مشدود له شيئ طبيعي يتشدلك ويحبك

ويابخته اللي جه علي بالك دلوقتي

في ناس في حياتك في حته معينه مينفعش تتكرر مينفعش حد يكون مكانها ..مينفعش مهما حصل تشيل أو تزعل منهم ..

في ناس في حياتك ليهم رصيد غلاوة كدا أنهم يعملوا اللي هما عايزينه ..مستحيل تفهمهم غلط ..

مينفعش تزعل منهم
وقلبهم ابيض وواصلك حبهم حتي لو مش بيقولولك

في ناس في حياتك مينفعش تشك في حبهم وأخلاصهم ومستحيييييل تستحمل عليهم حاجةة وتستاهل بجد المكان اللي انا حططهم فيه ..

في ناس في حياتك.. تحس بيهم وبيحسوا بيك من غير ماتتكلم بتفهموا بعض من نظرة عين

ومن غير حتي نظرة تحس بيهم ودا اكبر دليل علي حبك ليهم وحبهم ليك اللي من القلب .

في ناس وناس وناس ..وبين كل ناس وناس فرق كبيييير

في أماكن في قلوبنا مش احنا اللي بنرتبها
أصحابها هما اللي بيختاروا أماكنهم ..

في اللي بيكون فوووووق وفي اللي بيكون تحت .

لو في حياتك ناس بالمواصفات اللي فوق دي يابختك بيهم ويابختهم بيك

علشان مش هتلاقي منهم كتير ..وأكيد مش حيلاقو منك زيك

ويابخت اللي جه علي بالك دلوقتي