كتبت / رانيا طلحة
هاجم المطرب الشعبي المصري، سعد الصغير، الفنانة غادة عبد الرازق، كاشفا أنه خلال جنازة والدته، لم يجد أحد حوله من زملائه في الوسط الفني.
وأضاف سعد الصغير، خلال حواره مع الإعلامية بسمة وهبة، ببرنامج “العرافة” المذاع على شاشة “المحور”: “عملت أفراح لناس ومخدتش فلوس.. عملت فرح غادة عبد الرزق وغنيت ساعتين ومخدتش جنيه، لكنها مقالتش البقية في حياتك، كان واجب عليها تليفون صغير”.
وأوضح: “أنا مدرسة في الغناء، وعبد الباسط حمودة وشيبة بيقلدوني، وأنا صاحب فضل على الليثي ولو مشيت في الشارع جنب شاكوش وبيكا، الناس هتعرفني ومش هيعرفوهم”.
وشن المطرب الشعبي، هجوما حادا على زميله عمر كمال، بعد تصريح الأخير: “تاريخك كله ميجيش حاجة في عود البطل”. وقال: “أنا اللي وقفت معاك، وكلمت ناس عشان أساعدك في قضيتك، أنت ملكش تاريخ، أنت كنت بتتفرج عليا”.
وواصل قائلًا: “مفيش مطرب له تاريخ.. إحنا بنرقص ونغني مع راقصات.. التاريخ مع العلماء اللى بيقدموا كل مفيد للناس”.
