# “فيه حاجات لازم تسيبها عشان ترتاح..”

بقلم / منة يسري

“فيه حاجات لازم تسيبها عشان ترتاح..”
في ناس مش هتتغير، وفي مواقف مش هتتصلح، وفي كلام مش هيفهموه.. وده مش معناه إنك غلط، ولا إنك مقصر، ولا إنك محتاج تجاهد أكتر.. ده بس معناه إن في حاجات خلاص ما بقاش ليها لازمة.

لازم تعرف إن الإستمرار في اللي بيأذيك مش إصرار، ده إهدار.. إهدار لوقتك، لطاقتك، ولراحتك النفسية..
فـ خليك فاهم إن السلامة مش دايما في المحاولة،
أحيانًا السلامة في إنك تسيب وتمشي.. عشان في النهاية، حياتك أغلى من إنك تعيشها في وجع مستمر.

فـ رتّب أولوياتك، واحمي حدودك، وخليك واثق إن اللي مش بيقدّرك دلوقتي، مش هيعرف يقدّرك بعدين..
واللي مش فاهم قيمتك اليوم، مش هيفهمها بكرا..

فـ سيب اللي بيجرحك، وخليك مع اللي بيشيل وجعك..
عشان الحياة قصيرة، وما تستحقش إنك تعيشها في حرب مع ناس مش عارفه قيمتك.

#neveine #yousry