بقلم / حسن اللبان
أي حد تلاقيه بيكرهك رغم إنك كنت دايمًا معاه كويس،
ساعدته، ووقفت جنبه، وعدّيتله حاجات كتير…
اعرف إن المشكلة مش فيك،
المشكلة إنه شايفك أحسن منه.
شايفك بسيط… بس شخصيتك قوية.
كلامك عفوي… بس ليه وزن وهيبة.
عيشتك أهدى وأنضف من حياته…
وروحك خفيفة، وحضورك بيسحب النور من أي مكان بتدخل فيه.
هو مش عارف يبقى زيك،
ومش قادر يعلو عليك،
فبيرميك بالكراهية،
وبيطعن في ضهرك،
ويقول فيك ما ليس فيك
وبيفتري عليك… مش لأنك غلطت،
لكن لأن جوا قلبه ضعف وحقد وغيرة
وبيصرخ على نقص هو مش قادر يواجهه جواه.
العين ما تكرهش غير الأحسن منها.
فإوعى تحزن لما تلاقي الكراهية جاية من ناس كنت شايلهم فوق راسك وكنت فاكر أنهم أعز ناسك
خلي عندك يقين… إن وجودك لوحده بيكفي يوجع قلوب ناقصة.
فلا تحزن إذا تحدث الناس عنك بالسؤ ،
فالناس لا تتحدث عن التافهين .
