بقلم دكتورة / هبه الألفي
مين اللى قال المرض النفسي هو مرض عقلى
يعنى واحد يضرب مراته عشان قالت له انت محتاج دكتور نفسانى يقعد معاك .
المرض النفسي يا جماعه كالاتى..
الناس عندهم فهم غلط عن المرض النفسي
اسمحوا اوضح نقطه من بحر فى المرض النفسي
المريض نفسياً ….. لا يستوعب اطلاقاً انه مريض و صعب إقناعه لانه بيتوهم زى غيره انه مرض مجانيين
با جماعه المرض النفسي غير المرض العقلى
المرض النفسي مش ممكن يجيء غير للإنسان
الحساس بزياده
بيحس انه وحيد و ملهوش أهميه
مضطرب ودا بياثر على سلوكه
بيعيش اوقات كتير فى وحده و قلق
ودا بيخليه عايش فى اضطرابات شخصيه
صعب يفرق مين بيحبه و مين بيخدعه
عنده نظريه الكره بمستوى عالى
بيقع فريسه لافكاره الخاطئه و للأسف بيعيش فى الأفكار دى على أرض الواقع
و برضه بيقع فريسه لاشخاص حواليه بيستغلوا التعب اللى عنده
المريض النفسي هو شخص يعاني من اضطراب أو مرض نفسي يؤثر على تفكيره ومشاعره وسلوكه
هنا بقي بيكون محتاج من اللى حواليه
الدعم
الحب
طولة البال
الحنيه
والاهم من دا كله انه يقتنع انه مريض زى اى مرض عادى ولازم علاج
و بالعلاج الحاله هتتغير بتتدريج للافضل و يكون مستعد انه يواجه اى تحديات إذا كان ف البيت او الشغل
فى النهايه رفقاً بالنفوس الضعيفه و المحتاجين إلى علاج نفسي يحتاجون اولاً إلى
دعم و تقدير لما يمرون به
تحياتى
الإعلاميه/ هبه الألفي
