كتب د / حسن اللبان
#فيلم “أفواه وارانب” حين تسكن الحيه بيت الغزلان .
– نعمة “فاتن حمامة ” فلاحة وعايشه مع اختها واولادها الكتيييير لكنها طموحة طموحة جدا طموحه خالص وده مش عيب.
فلما تحب وتعيش قصة حب مع يوسف “ابو بكر عزت” مفترض تنتهى بالجواز لكن ازاى هى مش عاوزه حياة طبيعية يقوم يوسف نتيجة لضغط نعمة اختلس وكان هيضيع بسببها .
هربت نعمة واشتغلت عند محمود بيه “محمود ياسين ” وبقدرة قادر دخلت السرايا لأنها الوحيده من بنات العزبه اللى بتعرف تكبس البن فى دماغ محمود بيه.
– الراجل خطب بنت شريكه طول الوقت بصلها من تحت لتحت ياريت من فوق لتحت كانت بقت مبلوعة .
وكل يا محمود بيه واسم الله ياسى محمود بيه وتعدمني يا محمود بية ومحمود بيه أصلا متنيل على عينه .
ده الراجل يوم ماقالها فسخت خطوبتى كان ناقص ترقصله ، محمود هيخسر اخته الوحيده وشريكه وشغله علشان يتجوز نعمة الغلبانة اللى ياعينى ولا كان فى دماغها سى محمود يتجوزها .
– يا جدعان هى دى اصلا قاعدة فلاحة دى قاعدة ملكه انجلترا ،
انتى خططتى لكل ده وقلشتى خطيبته بأتقان شديد ولا اتقان شيخ الغفر فى العيد .
نعمة نجحت توصل لهدفها بمهارات خاصه جدا ولكن فى سبيل تحقيق أحلامها داست على حياه يوسف اللى حبها فى بلدها وقطعت علاقة محمود بأخته واثرت على شغله وعبد المجيد اتسجن ورفاعى ابن اختها كان هيحصله.
#محمود هنا فكر فى الخدمة الفندقية اللى بتقدمها نعمه مديرة البيت مفكرش ان الزوجة توافق متكامل الاركان لكل بنود العقل .
#متبقاش سهل المنال وخليك صاحى دايما فربما هناك ممن حولك ويخطط لشىء ما.
افكار مسمومة كتير مش هنعديها بعد كده .
