عاجل

قطر ترد بقوة على نتنياهو بعد هجومه العنيف والمفاجىء على حكومتها و
لواء مصري يكشف بالتفاصيل حقيقة الأنباء عن إنشاء قاعدة عسكرية أمريكية في تيران وصنافير
الجيش الباكستاني يعلن نجاحه في اختبار صاروخ أرض-أرض بمدى 450 كيلومتر
الأهرامات لماذا بناها المصريون؟
# قصة حب لم تكتمل مع اجمل النساء
الطائرات الأمريكية تشن 6 غارات على مديرية مدغل في محافظة مأرب اليمنية
“القسام” تنشر فيديو لأسير إسرائيلي نجا من القصف على غزة يوجه فيه رسالة للإسرائيليين
تزامنا مع عيد ميلاد ترامب.. الجيش الأمريكي يعتزم تنظيم عرض عسكري ضخم في واشنطن
الأرصاد المصرية تعلن طقس الساعات المقبلة
مصر تبلغ الولايات المتحدة رفضها التدخلات الإسرائيلية في سوريا
# *اللي اختشوا ماتوا ..*
أميركا تريد استئناف المساعدات الإنسانية إلى غزة بينما تواصل دعم الحرب
حزب الله”: سلاحنا من أجل مقاومة إسرائيل ولا علاقة له بالداخل اللبناني
الأمير هاري يفجر مفاجأة بشأن صحة الملك تشارلز
دونالد ترامب يفجرها بصراحة : الصراحه حلوة برضو فمن يقرأ ويعى

سيدة من مصر

بقلم / رضا اللبان

#سيدة_من_مصر

– مبروك يا جيهان على الزواج .. احكيلنا بقى على عريسك ..

_ هو أكبر منى ب١٥ سنة تقريبا .. وكان متجوز قبل كده وعنده ٣ بنات .. ولسه للأسف خارج من السجن عشان كان متهم فى قضايا وطنية بس الحمد لله طلع براءة .. كان بيشتغل ضابط فى الجيش وطبعا سرحوه بعد ما اتسجن ..
– يا نهار ابيض .. ليه كده يا بنتى دا انتى زى القمر ولسه صغيرة .. تلاقيه بقى غنى ولا وارثله قرشين ..
– للأسف لأ .. هو معندوش حاجة خالص .. وهيشتغل على باب الله عشان نقدر نعيش .. ومين عارف هيقدر يرجع الجيش تانى ولا لأ ..
– يا سلام! .. يعنى هو ده أخرك وهى دى حياتك! .. هتعيشى مع رجل فقير وعنده عيال وطبعا هتقعدى فى البيت وهتبقى ست بيت .. ولا هتعرفى حتى تكملى تعليمك ويبقى ليكى مستقبل .. راجعى نفسك! .. الجوازة دى فاشلة من قبل ما تبدأ! ..
– أنا مقتنعة بعقله وبثقافته ورؤيته .. هو صحيح سايب الجيش بس انا متأكدة انه هيكون له مستقبل كبير حتى ولو خارج الجيش .. هو صحيح معندوش فلوس .. بس انا متأكدة انه هينحت فى الصخر عشان نعيش لأنه رجل شريف عارف مسئولياته .. وأخيرا انا بحبه ..

بعد الزواج عام ١٩٤٩ المعجزة تحصل ويرجع السادات ضابط من تانى ويدخل خط الترقيات والأمان الوظيفى .. وجيهان فى البيت بتربى الأولاد ..

سنة ١٩٧٠ المعجزة الثانية تحدث ويصبح السادات رئيس مصر .. تقرر بعدها جيهان تكمل دراستها وتحصل على ليسانس الأداب عام ١٩٧٧ .. ثم الماجستير فى الاداب عام ١٩٨٠ .. ثم يتم اغتيال السادات فى عام ١٩٨١ .. ثم تحصل على الدكتوراة عام ١٩٨٦ .. ثم تنشر كتابها الأول “سيدة من مصر” عام ١٩٨٧ .. ثم تعمل أستاذ زائر فى جامعة القاهرة والجامعة الأمريكية بالقاهرة .. ثم تنتقل للولايات المتحدة الأمريكية وتعمل محاضر بجامعة ولاية كارولينا الجنوبية .. ثم تنشر كتابها الثانى “أملى فى السلام” عام ٢٠٠٩ ..

خلال عملها العام تحصل على عدد من الجوائز العالمية وأكثر من دكتوراة فخرية من أكثر من جامعة ..

الحياة مشوارها مش يوم ولا سنة .. انك تبنى نفسك وتطور من نفسك ومن حياتك وتساعد كمان شريكك على التطور ..

انك تبدأ من تحت الصفر لمجرد إيمانك بنفسك انك تقدر تطور مع الأيام وإيمانك بعقل وحكمة وشخصية شريكك انه هيبذل كل جهد وعطاء عشان تنجح أسرتكم ..

انك تبقى مش عارف ايه الى هيحصل بكرة بس بتقول يارب يكون خير ..

انك تطلع للسماء .. فتقرر تطور من نفسك أكثر وأكثر عشان تكون نموذج مشرف مش مجرد وجه جميل ..

ان الأيام تدور ويروح الحبيب ويروح معاه الجاه والسلطان .. قتقرر تكمل فى طريقك زى ما انت وتطور من نفسك تانى وثالث ورابع .. وتكون قدوة فى مظهرك وفى كلامك وفى حياتك ..

مشوار حياة إمرأة عظيمة
قدوة لكل السيدات فى الصبر والأمل

Facebook
Twitter
LinkedIn
WhatsApp
Print
booked.net
موقع الرسالة العربية