المدرس والجزار

كتب / رضا اللبان

‏مدرس راح عند الجزار يشتري كيلو لحمه 🤔
شافه الجزار ، خرج إستقبله ، وجابله كرسي ، وقال له إقعد إستريح شويه ياباشا ، وبعت الصبى يجيب له قهوه .🤔
وقال لصبيه هات للباشا إتنين كيلو كباب ، وإتنين كيلو كفته وإتنين كيلو سجق ، وإتنين ، وإتنين .🤔
الجزار رحب بالمدرس كويس ، وقاله كل طلباتك أوامر ، من غير ماتدفع ولا جنيه .🤔
إتفضل يا باشا هوصلك البيت بعربيتى 🚗
في الطريق المدرس سأل الجزار :
إنت بتعمل معايا كل دا ليه..؟🤔
الجزار قال له :
أنا كنت تلميذ عندك ، وفى يوم من الأيام وقفتنى فى الفصل أسمع جدول الضرب ، وماكنتش حافظه ، وهربت من المدرسه ومرجعتلهاش تانى .🤣
إتعلمت الجزاره ، والحمدلله بقا عندي عشر محلات جزاره ، وبقيت أكبر مورد للحوم للفنادق 🤔 والسوبرماركتات بتاعت المنطقه كلها ، وعندي مزرعه بربى فيها البقر والغنم 🐄🐂🦙
المدرس قال له :
أنا لو عارف إن ده هيحصل 🤔
كنت هربت معاك من المدرسه 🤣🤣🤣