شعر بقلم : حسن اللبان
بمناسبة ثورة 25 يناير العظيمة هذه الثورة التى تحدث عنها العالم ، و قيل عنها أنها من أعظم الثورات فى تاريخ الإنسانية انشر هذه القصيدة التي نشرت لى بجريدة الحياة اللندنية عام 2011 الثورة فى التحرير ، لو رحت ميدان التحرير هتلاقى ثوار كتير و قلبك من الفرحة يطير و مصر بتضحك و بتستعد للتغير ، لو رحت ميدان التحرير هتلاقى فل و ياسمين و ولاد بلدنا الطيبين و شباب رايحين جاين كاتبين مصر على الجبين ، لو رحت ميدان التحرير هتشوف اللى ماشفتوش من سنين شباب قلبها مليان حنين بتحلم بجد للمساكين من غير آه و لا أنين ، لو رحت ميدان التحرير هتلاقى مصر الجديدة و شباب أفكارها عنيدة و قلوب زي الحديد حلفى لتخلى مصر فى عيد ، لو رحت ميدان التحرير هتشوف ضحكة لطفل برئ و أيدين بتشد غريق و شباب قلوبها جريئة و الأرض زراعوها نجيلة ، لو رحت ميدان التحرير هتشوف شباب جاى من كل مدينة و هتشوف وشوش كلها أسرار و عزيمة حلفه لتخلى مصر جميلة و بلد لها قيمة و عظيمة ، لو رحت ميدان التحرير أقرأ الفاتحة و قول آمين من غير ما تسأل على مين دول شهداء مصر الحلوين فى الجنة خالدين ……… نشرت بالحياة اللندنية ………. حسن اللبان
