بقلم : حنين الساهر
يا حبى الخالد الأبدي يا عشق السنين
كان نفسي أكون لك وعد حر أسقيك من صبر الليالي حب و حنين يبدل في حلقك أي مر و أبكي في حضنك دمعتين
كان نفسي نكون سوا قريبين زي كل العاشقين المعشقة للمعشوقين العشرة إيد بتضم إيد نسقيها عز البرد شوق مع نور بيسرح في الوريد
كان نفسي أكون في البحر طوق وقت الغرق ياخدك لفوق
كان نفسي من شهدك أدوق لو كان بأيدي كنت امشيلك بلاد ارجع بعمري أبتديك من الميلاد أكتب فى هواك الاشعار افضل معاك زي كوكب في المدار لو كان بإيدي كنت أعمل حضني دار و أرش ميه ورد علي الارض البوار
كان نفسي اضمك عز ليلي للنهار لو كان بأيدي كنت أقتل الانتظار أهزم جيوش البعد و أعلن الانتصار لو كان بإيدي كنت أمشيلك سنين أطير معاك للسما و نكسر الزنازين كنت نقشت صورتك وشم علي صدري و اكتب حروف اسمك علي الميادين لو كان بأيدي يا نبض وريدي أسعد القلب الحزين وأعوضك كل اللى فات ابقا معاك فى كل وقت و كل حين
لنا الله يا حبيبي لا املك الا الدعاء لرب العالمين يبلغنا بشرى الصابرين.
