كتب / حسن اللبان
رياض القصبجي لما تعب وقعد في البيت 5 سنين حالته الماديه كانت ضعفت لانه مالوش دخل ووصلت لدرجه محدش يتصورها ✋ اكتر الفنانين اللي كان بيزوره فريد شوقي ❤️ مره بيشتكي لـ فريد شوقي ان أقرب أصحابه مسألش عنه ولا زاره وبكى اوي من حرقة الجحود اللي عايشه من الفنانين 💔 بص له فريد شوقي بضحك وقاله قاعد معاك الملك بـ نفسه مش مكفيك ولا ايه :D💪 فريد كان “شبه” أسبوعياً بيروح له البيت ويقعد معاه وياخد معاه اكل يكفيهم أطول فتره ويشوف اي ناقصهم فلوس لبس اي حاجه…. واستمر فريد شوقي يراعي ولاده حتى بعد وفاته وكان بيبعت لهم مبلغ شهري دايماً ويقولهم ….. ” ده حق ابوكم ”
جبر الخواطر 💜 الشيء الصغير في عنيك كبير في عيون غيرك وجبر الخواطر والصدقه اللي بتدارى بالحب بتفرق كتير دنيا وآخره 👌 ويمكن عشان كده فريد شوقي من الفنانين القليلين اللي مات مستور ✋ رحم الله الجميع 💞
