كتب / حسن اللبان
في لقاء تليفزيوني المذيعة بتسأل دكتور مجدي يعقوب بتقوله إيه اللي بيتعب القلب يا دكتور ؟!
رد عليها وقالها : حاجات كتير لكن أوحش حاجة هو الحزن ..معظم المرضي اللي بتجيلي وعندها مشاكل ف القلب بيبقي سببها الحزن !! ..الحزن بيوجع القلب ويخلي حتت منه تضعف ..دي حاجات شفناها كتير في السنين اللي فاتت ..قلب بيبقى مكسور .. وده بيأثر عليه ..القلب مبيشتغلش بعد ما حد بيزعل جدا .. عضلة القلب بتضعف من الحزن والكسرة وممكن وقتها الإنسان يموت لو حصل مضاعفات قبل ما العضلة ترجع لوضعها الطبيعي .. وإن الحزن وكسرة القلب بتموت مش مجرد شعور إنساني
أكبر بروفيسور في القلب وأمراضه بيأكد للعالم كله إن الحزن بيموت زيه زي المسدس .. وإن الكسرة والحسرة والحزن سواء من ناس قريبة مننا أو على ناس قريبة مننا ممكن يموت .. وإن اللي بيقعد في اوضته حزين ومكتئب ممكن يموت ..واللي بينصدم في حد ممكن يموت .. واللي مبيراعيش مشاعر حد ممكن يموته ..واللي بيوجع القلب بكلام جارح ممكن يموته
الحزن فعلا بيموت .. ولازم الناس تدرك ده .. أرجوكم متسيبوش حد زعلان وينام وهو حزين وتقولوا هنبقى نصالحه بعدين .. انت ممكن متلاقيش بعدين أصلا .. متلاقيهوش هو شخصيا .. ممكن تصحى وتنام تلاقيه مش موجود في الحياة .. تلاقيه مات بحزنه وسابك بحسرتك عليه اللي ممكن يموتك إنت كمان .. ..ألحقوا اللي بتحبوهم قبل فوات الأوان ومتأجلوش الكلمة الحلوة اللي ممكن تشفي حد . ده الدقيقة بتفرق والله 💖💔احتضنوا💖 قلوب حبايبكم قبل فوات الاوان
بلاش تعودو قلوبكم على القسوة والكِبر
