وزير مصري يرد بعد هجوم واسع عليه بشأن “مصنع الزبيب” وبقائه وزيرا “لحد ما يموت”

وقال الوزير، خلال مداخلة هاتفية ببرنامج “حقائق وأسرار” المذاع على قناة “صدى البلد»”، إن وزير الزراعة والمجالس التصديرية إضافة إلى بعض المزارعين طالبوا بوجود مصنع للزبيب على مستوى عالٍ، وهو ما تمت الموافقة عليه فورا.

وأضاف: “نعمل مصنع ولا نسيب الزبيب بتاعنا يُهدر، ونستورد ياميش وزبيب، لازم نعمل مصنع، قلت للناس هنعمل مصنع على مستوى عالي جدا، مصر تأخذ احتياجاتها، والباقي يتصدر، وندّخل عملة صعبة ونشغل الناس”.

وتابع: “الناس تطلع تهاجم، وتقول ده بيعمل مصانع زبيب، طيب هو الزبيب حرام ولا عيب، دي صناعات غذائية مطلوبة، بلاش تطلع تجرح فينا، إحنا عندنا أهالي وبيوت وأولاد، ليه كده، ولكن إحنا هنفضل شغالين لحد ما نموت”.

وأكمل: “هيقولك يعني هو هيفضل وزير لحد ما يموت، أنا مقولتش كده، أنا ممكن أطلع من الوزارة بكرة، أقصد هفضل شغال سواء أنا وزمايلي، سواء في الوزارة أو خارجها”.