كتب / حسن اللبان
في سنة 2014 واحد اسمه محمد حسن لقوه ميت على قضبان المترو ومتقطع ومافيش في ايده غير حبه صور لذكريات شبابه …. محمد حسن ده اللي مات
هو نفسه مهمد حسن صاحب قصة فيلم النمر الأسود التي ألهمت الشباب وفتحت عيونهم على الهجرة وجمدت قلبهم على السفر
محمد حسن
نموذج المصري الصبور اللي جسده اسطورة مصر احمد ذكي
محمد حسن
نجح في تحقيق حلمه كبر وبقى اشهر رياضي في المانيا
لدرجة ان محمد علي كلاي لما لعب في المانيا طلب من محمد ان يكون مساعد ليه مقابل اجر 50 دولار
محمد حسن اللي بقى اسطورة في الرياضة وفي عالم البيزنس
مات وحيدا على قضبان المترو مصاب بالزهايمر ومعه شوية صور وذكريات
محمد حسن
سابته هيلجا حبيبته واتجوز واحدة تانيه اسمها سيلفيا اكبر منه
اخدته سويسرا وصنع معاها المجد هناك وأصبح من اهم رجال الاعمال
محمد حسن
مات في 2014
واغلب المصريين ما يعرفوش انه مات
رغم انهم حافظين الفليم بتاعه ويعتبروه قدوه لهم
محمد حسن
مسك اخر السما بايديه
وساب كل اللي وراه ورجع علشان يموت في بلده وحيدا زي ما سافر وحيدا
محمد حسن
تحول من شخص نكره ما يعرفش يكتب اسمه غير بالعافية لاكتر شخصية ملهمة في العالم
مات وحيدا ما يملكش من حطام الدنيا غير صور
اصعب كلمة في قصة النمر الأسود
لما اخته راحت تستلمه من المشرحة قالوا لها
احمدو ربنا انكم اتعرفتم عليه قبل ما كنا علي وشك نقيد الجثة تحت اسم مجهول
