كتبت / نجوى إبراهيم
فيه فنانين كتير بيحطوا في العقود شروطهم اللي متسقة مع أفكارهم، ومنهم الفنان العظيم “إسماعيل يس” اللي كان بيرفض القبلات
وبتقول الفنانة “سعاد مكاوي” إنه في فيلم “بنت المعلم” قرر المخرج عباس كامل إنه يكسر الكيميا اللي بين “سعاد مكاوي” وشكوكو، ويعمل ثنائية جديدة بينها وبين إسماعيل يس
وبرغم اعتراضها في البداية.. إلا النجاح اللي شافته مع “سُمعة” خلتها تكرر الظهور معاه بعد كده.
وبعد ما أصبحوا “كابٍل” ناجح، بدأ المنتجين والمخرجين يطلبوهم سوا في أفلام جديدة، بس قبل ما “إسماعيل” يمضي على أي عقد، كان بيصمم إن أول شرط في العقد هو (مفيش بوس)!
حتى لو كان هيظهروا في الفيلم عريس وعروسة، كان يرفض “إسماعيل يس” إنه يبوس البطلة اللي قدامه، ولما يسألوه يقولهم “هو كده، مزاجي.. لو مش عاجبكم، الغوا العقد”، وطبعا كان كلامه نافذ.
