بقلم / أسماء كامل
ياقلب براح..
ياقلب براحه دفَّاني
ياروح انفاسها عايشاني
وسكناني
بنظرات الهيام منّك
دا نبضي تملّي بيقولك..
أنا منّك
انا الحتَّة اللّي من روحك
يا همسي داوايا من بوحك
انا روحك.
ياكل خطوة وخداني ل لُقاك
يا دنيا عايشة ف سحرها ويّاك
بعدين معاك؟!
بعشق هواك.. بتنفسه.
بيجري جوة قلبي والوريد.
قلبي العنيد
كاتم ف نبضه بيحبسه
ولما طيفك عدّى جنبي
وقال يفكّر يوصفه!
لقتني طابة فيه مستسلمة.
وفجأة روحه..
كات فقلبي معلّمة
ومسلِّمة لبركان هواه.
طالبة لرضاه.
بتمنى عمري الجاي كله
يكون معاه.
يادنيا مغموسة برضا
ياقلبي أنا قلبي ارتضى.
وقال يا فَجر العمر
شقشق من جديد
قلبي خلاص في دنيته
مابقاش وحيد.
قلبي الجديد..
بيعشقه.
من كل الدنيا هيسرقه
ويدوقه..
من كل انواع الهنا
بهواه انا.
#جزء
#بهواه_انا
#أسماء_كامل
