بقلم د / حسن اللبان
ولِسه الحزن بــ يجيني
ويخطفني ويرميني
فــ بحر دموع ،،،
ولِسه الفرحه جوايا شعور كداب
شعور خايِن لاحساسي !!
شعور ناسي اني فيا جروووووووح
تهِد الفرحه والضِحكه والبسمه
تهِد الروح ..!
ومين خادع؟
ومين مخدوع..؟!
مانا البسمه اللي خدعاني
وانا المخدوع من نفسي
وانا الهربان من جرحي
وانا اللي فــ عز احزاني بقوم ضاحك
واوزع بين دموع عيني متييييين ضحكه
واخاف اني انده الفرحه ماتسمعنيش
!!!
بــــخاف ماتجيــِــش
عشان احساسي لو غابِت مايِجرحنيش !
مايِوجعنيــــــــــــش
وبضحك ياما على نفسي عشان مابكيش !
عشان ماحكيش
عشان ماشكيش
!!
لان الشكوى مش طبعي
وأشكي لــ مين !!!
ومين قلبه يسيع دمعي وأحزاني
لو القلب اللي جوايا مابيسِعنيش !؟؟؟
واخاف احكي واقول عن حاجه وجعاني
تقوم الناس ماتفهمنيش
..!
و..أصعب شئ
تحـــِس ان انت في دنيا ماهيش دنياك
!
تحِس ان انت مش منهم
ومجبر بس تفهمهم
وكل الناس ماهيش فهمــــــــــــاك
..!!!!
كفايه يا قلمي وانا اسف
وياما شلت من همي
وداب الحِبر مع دمعي ومع همي
كفايه يا قلمي وانا اسف
وشيلتك همومي كتيـــــــر
،،
وعمري يوم ما بحكيلك وافضفضلك وتجرحني
عشان انت اللي قادر بس تفهمني وتِشرحني
وافضفضلك وافضفض بيك ،، تِريحني !
لكني انا برضه مش عارف اقولك غير …
شِعور مؤلم
و..أصعب شئ تحاول توصف الوجع اللي ياما واجعك
وبرضــُه يخنقك دمعك ،،
وفجـــأه يخونك التعبير ..!!!
تغير كل احساسك ما بين لحظه عشان مجبور
عشان تاه الكلام منك ،،
عشان احساسك المكسور
عشان جرحك يفوق وصفك وحاسـُه كبيـــــــــــر
تغير كل احساسك وتتبسم بــ كِدبايه
وتعصر دمعتك فـ عنيك
وتِضحك عادي فـ عيونهم
تقول ان انت لسه بـ خيِر !!!
وتتهرب
وتتهرب عشان خايف سؤال واحد هــ يفرط عـُقد احزانك
سؤال واحد (سؤال مالك؟؟)
هــ تِبكي ساعتها على حالك
وتصعب ياما على نفسك
ومن جواك بـ تتعذب وتتمنى السؤال ماتقال
مـــافيش اجابــــــــات !!!
وليه وازاي؟؟
هــ تقدر عادي تتبسم وتِخفي الآهه من دمعك؟؟
دا اصعب شئ ،، تحاول توصف الوجع اللي ياما واجعك
وحاســــُه كبيــــــــر
تِخاف الناس لا تستهتر
فــ تتبسِم ،
تغير كل احساسك بـ كِدبايه
تقول ان انت لسه بـ خير
…. من كتابي العاشقين …
…. حسن اللبان ….
