كتبت / سلوى لطفي
وانت بتسمع أغنية «إسأل روحك».. لكوكب الشرق أم كلثوم وبالتحديد مقطع :
«هوَ حناني عليك قسّاك حتى عليا ؟!».. لحد «ولا تسامح روحي معاك غرّك بيا ؟! ».. هتلاقي سِت مغلوبة على أمرها وصوتها فيه صٰعف وحُرٰن وهتحِس وقتها وانت بتسمع إن مفيش بإيديها حاجة خلاص وإنها إستسلمت !
وبعدين لما تكمِل الأغنية هتلاقي الصٰعف والحُرٰن دول تحولوا تمامًا لقوة وحزم وهتفجأك إنتَّ شخصيًا كمُستمع وهِيَ بتقول :
«أنا يا حبيبي صحيح بتسامح إلا في عِزة نفسي وحُبي وأما يفيض بيَ ما بعرف أصالح واعرف آجي كتير على قلبي»..
أهي السِت الغلبانة اللي كانت في البداية دي نقلت كل المشاعر والإحاسيس المُتناقضة دي ورا بعضها بكُل حرَفية وسلاسة وانت قاعد مش فاهم في إيه ! بس السِت مِش هتسيبك محتار خالص لإنها هتقولك إيه وصل الحال ما بينهم بشكل دا فهتلاقيها بتقولك الأسباب :
وبديت أطوي حنيني إليك واكـ ـره صٰعفي وصبري عليك ، واخترت أبعِد وعرفت أعنِد حتى الهجر قدرت عليه
وبتنهي الأغنية بجملة لخصت كُل شيء :
شوف القسوة بتعمل إيه ؟!
من كلمات المبدع “عبد الوهاب محمد”
والعبقري “محمد الموجي”
