بقلم د / حسن اللبان
غصب عني
مش قادر أمنع كلمتين
راسمين علي بداية الطريق
صوره منها..وصوره مني
غنوه غنتها المشاعر
من غير موسيقى ومن غير إيقاع
بس كان لازم تغني
يمكن عشان متغربين
والمسافه اللي بتقطع حلمنا
بتكون بقسوة بُعدنا
وتخون تملّي
ليه السكوت
وليه ما اقولشي بأعلي صوت
وكل نبض في الوريد
بيهزني
والفرحه بحلاوة اللقا
شجره فروعها مْورّقه
بتضمني
تسمع غنانا
بحلمنا ويّا التمني
يا مين يقوللي …
لو يغيب
النبض آه يكون
مش فاضل غير السكون
وإزاي هاشوف للدنيا لون
وهيا للقلب الطبيب
ولعيني نني..!
… من كتابي العاشقين …
