بقلم د / حسن اللبان
بَحِبِك… كلمه اتقالت كتير
كلمه تفتح للمحبة طريق
كلمه قالها كل العاشقين
كلمه عايشاني وعايشاها
كلمه تنور لي طريق
بيهديني في ظلم الليل
وباسرح في جمال رسمك
اشوف قمر منور للعاشفين
بيتحني بلون شمسك
ويتوضي في حضن النيل
حزينه سنيني على طول
فوق رمل وخراب صايب عيدان خضره
انا شايفك يا صابره من سنين
فارده حُسنك المعقود
بيرميلي خطوط وخطوط
تكونلي فـ غربتي فيكي
أثر و دليل ع الماضي الحزين
طب اعمل إيه يطمني
ولو ضاع الأمل مني,
هاتدعيلي؟
أكون واقف في عين الجمر
أضفّر من غيطانك صبر
وأحضن طرحِك الغرقان
في عز البرد يدفيني
ومن روحك نغم ونايات
في عِز الصمت يشجيني
تدندنلي حروف عشقك
غنا ومواويل وآخر كلمه
أقولهالك … بحبك ،،،
