كتب / حسن اللبان
” كنت متعود دايما بعد ما اخلص عرض المسرحيه اليومي بتاعتي, اروح انا و اتنين صحابي من خارج الوسط في فندق معين مش هقول اسمه عشان ميبقاش اعلان, نتعشي و نقعد شويه و بعدين نقوم نروح.
في يوم و انا هناك, لقيت بنوته زي القمر بتشتغل في الفندق في الرسيبشن , جمال و شياكه و حضور لافت انظار الجميع.
رحت كلمتها , سالتها عن اسمها و سنها و اتكلمت معاها شويه , واكتشفت ان علي قد جمالها علي قد ثقافتها و هي لسه صغيره جدا.
سالتها : تحبي تمثلي ؟ ردت عليا و قالتلي ” بس انا عمري ما مثلت قبل كده و كمان بتكسف جدا” قلتلها : انا راجل في المجال بقالي فوق ال ٢٠ سنه و بقولك انتي هتبقي حاجه في يوم من الايام لو اشتغلتي علي نفسك صح.., خدي الكارت ده و هتروحي لمخرج صديقي يقولك هتعملي ايه بالضبط..
وقد كان, و كنت السبب في ميلاد نجمه ,تعتبر من الحاجات الي انا فخور اني عملتها في حياتي…
العملاق سمير غانم في حوار له عن اكتشاف النجمه الجميله و التي اشتاقت الاعين لوجهها و ادائها اثار الحكيم.
