الفنان شكري سرحان

كتب / حسن اللبان

شكري سرحان مبيتقارنش باي ممثل ليه….

كنت استغرب دايما ليه كانوا يقارنوا بين رشدي اباظة واحمد رمزي وعمر الشريف من حيث الوسامة ونسيوا تماما شكري سرحان اللي اصلا كان شاطر اوي ووسيم كفاية وبيليق عليه اي دور زي: الموظف والطالب، المثقف والبوسطجي الجاهل واللي بيفك الخط بالعافية، الفلاح وابن البشوات، السياسي والبلطجي..

شكري سرحان ملامحه المميزة صوته الهادي وشخصيته التلقائية والقريبة من القلب كان قادر يعيشك اي دور بيؤديه بكل سلاسة..

يمكن هو فعلا مكانش ينفع يبقى في منافسه مع حد لانه في جزء لوحده بتاعه.. شكري سرحان كاركتر ماتكررش!، ماشوفتش حد طلع واتشبه بيه زي ما بيعملوا مع اغلب الممثلين بالعكس الكل واثق انه مالوش زي